அய்யப்பப் பணிக்கரின் கவிதை

                                    வருகை 

தொலைவிலுள்ள கிராமத்திலிருந்து வந்த கிழவர் சொன்னார்:

எங்கள் வீட்டருகில் ஒரு குழந்தை இறந்துபோயிற்று

நான் சொன்னேன்:

மக்கள்தொகைக் கணக்கெடுப்பாளருக்கு வேலை மிச்சம்.

காய்கறிக்காரப் பெரியம்மா முன் தினம் வராமலிருந்த காரணம்.

என்னைக் கட்டியவனின் மருமகன் போய்விட்டான்

நான் சொன்னேன்:

கட்டியவன் போகவில்லைதானே, அவரும் போயிருக்கலாம்.

நாளிதழில் படத்துக்குக் கீழே:

முப்பத்தைந்து ஆண்டு பாராட்டத் தகுந்த தேசசேவைக்குப் பிறகு

குஞ்ஞுகுஞ்ஞு பரலோகம் அடைந்தார்.

நான் இட்டுக்கட்டி வாசித்தேன்:

இனி சேவையை அங்கே தொடரலாம்.

கடைசியில், என் வீட்டுக்கே அது வந்தபோது

எனக்குப் பேச்சில்லை;

அது புறப்பட்டதே இங்கே வருவதற்குத்தான்.  (1991) 

அய்யப்பப் பணிக்கர்